Amsterdam 2016

Í maí fórum við til Amsterdam með vinafólki okkar, um var að ræða stutta helgarferð en við Svenni erum mjög hrifin af þannig ferðum, það þarf ekki að vera meira en 2 nætur til þess að maður komi endurnærður heim. Amsterdam er skemmtileg borg og hún er mun afslappaðri en t.d. London, þó London verði alltaf í svolitlu uppáhaldi hjá mér. Íbúar Amsterdam eru vingjarnlegir, verðlagið er gott og ég mæli með því að fólk fari í guided hjólatúr um borgina, það var hrikalega gaman. Svo er auðvitað möst að fara í siglingu en við tékkuðum það af listanum þegar við fórum í desember 2014.

Mér finnst svo fyndið hvað öll hjólin eru gömul/gamaldags, það er varla að maður sjái 20 gíra, 100 gr. ofur-keppnishjól eins og maður sér svo mikið hér heima. Þarna þykir það greinilega mjög flott að vera á eldgömlum járn-jálki.
Stigagangurinn á hótelinu okkar, Prince Albert í Oud sud.
Félagarnir

Svenni var svona ánægður með hjólaferðina
Og Hróðný mín líka ❤
Ég (og við) eeelskum að setjast niður, fá okkur drykk og bara spjalla og fylgjast með mannlífinu og verða kannski aaaaðeins tipsy (ég allavega)- þarna var það reyndar bara kaffi eða pilsner sem fór inn fyrir mínar varir, annað en þegar við fórum í desember þegar ég var orðin 70% jólaglögg.
Elsku Hróðný mín sem ég er svo heppin að hafa þekkt í 22 ár!
Sjáið bara hvað hún er fín.

Maður er alltaf að velta fyrir sér hvert maður eigi að fara næst í borgarferð og ég elska að skoða mig um á netinu, velta fyrir mér hótelum, veitingastöðum og skemmtilegum hverfum. Ég væri reyndar alltaf til í London og svo er langt síðan maður fór síðast til Köben, reyndar myndi ég þá vilja taka Jón Ómar með og fara með hann í Tivoli. Það væri heldur ekkert að því að kíkja til New York en það þyrfti þá að vera í lágmark 3 nætur og helst 4.

Jæja, þar til næst.

Advertisements

Flórida 2016 – uppsóp

_MG_5657
Brjálað að gera 

_MG_5661

_MG_5670
Beðið eftir hádegismat við sundlaugina
_MG_5688
Alltaf sami morgunmaturinn, vanillu múslí með möndlumjólk og fersk ber/ávextir

_MG_5689_MG_5690_MG_5694

_MG_5705
….og svo auðvitað kaffi
_MG_5715
Ég var ekkert smá glöð með að hafa keypt þennan bol með sólarvörn handa honum, hann var alltaf í honum og ekki veitti af því sólin var steikjandi. 
_MG_5718
Í krókódílagarðinum
_MG_5754
Það var tennis-og körfuboltavöllur þar sem við vorum seinni vikuna, litla manninum til mikillar ánægju.
_MG_5772
Þessi staður! 

_MG_5776

_MG_5780
Feðgar að kæla sig, þó sjórinn hafi nú næstum verið of heitur. 
_MG_5783
Longboat Key 
_MG_5795
Kvöldsund í fallegu kvöldsólinni
_MG_5816
Alls ekkert gervibros.
_MG_5823
Ég var þarna líka! 
_MG_5824
Dásamlega góður grískur veitingastaður á St. Armand’s Circle
_MG_5825
Haha, Jón Ómar með fullan munninn af brauði.
_MG_5833
Litla fyrirsætan mín.
_MG_5838
Tilvalin til stækkunar

IMG_3487

 

Hér koma síðustu myndirnar úr dásamlega sumarfríinu okkar. Ég hlakka strax til að fara aftur, hvenær sem það nú verður.

Flórida

Ég næ ekki að færa myndir af myndavélinni minni yfir á tölvuna þannig að þangað til það tekst að þá langaði mig að setja nokkrar myndir hingað inn sem ég var með á símanum.

Jón Ómar var eins og ljós í öllum flugferðunum (við flugum til Boston og þaðan til Orlando) Við vorum búin að undirbúa okkur undir það að hann yrði eitthvað þreyttur og pirraður á að sitja svona lengi en þetta var ekkert mál og hann var svo sáttur með allt.

Þarna vorum við í Gatorland í Orlando. Það var svo ógeðslega heitt þarna að ég meikaði eiginlega ekki að vera þarna. Hitinn var allt í lagi þegar maður gat hent sér í laugina eða sjóinn þegar það varð of heitt en maður var nú ekki beint að stinga sér til sunds þarna.

Ein sólbaðs-selfie. Ég reyndi nú mest að skýla andlitinu frá sólinni enda finnst mér það ekki fallegt þegar ég verð of brún í framan og með svona ljóst hár, fyrir utan hvað það fer illa með húðina.

Fyrri vikuna gistum við á Reunion Resort í Orlando. Ég er alls ekki hrifin af Orlando í sjálfu sér (frekar ljót og menningarsnauð borg, haha) en þessi lokuðu svæði geta verið mjög flott og alveg tilvalin þegar maður er með born. Við vorum rosalega ánægð þarna og vorum í íbúð þar sem við gátum eldað og haft það kósý. Ég hugsa að ég muni ekki bóka hótelherbergi nema þegar við erum að ferðast bara tvö hjónin, það verður að vera hægt að “athafna” sig aðeins þegar börn eru með í för. Svo fannst okkur líka mikilvægt að við gætum spjallað og gert eitthvað á kvöldin eftir að Jón Ómar var sofnaður og þess vegan vildum við ekki vera á hótelherbergi. Við reyndar sofnuðum mjög oft öll þrjú á sama tíma, haha.

Litli maðurinn sem var svo ótrúlega sáttur með allt saman, það var alveg ótrúlega gaman að vera í fríi með honum. Hann gerir einfaldlega allt betra. Þetta var svolítið sérstakt frí því við hugsuðum að þetta væri svona síðasta einkaprins-dekurfríið áður en næsti prinsinn mætir, það verður nú eitthvað. Jón Ómar sem er vanur að vera miðpunktur athyglinnar fær nú örugglega smá sjokk í lok nóvember 😉 Mynd af svæðinu. Við vorum í svona húsi, ekki þessu húsi samt.

Horft út um svefnherbergisgluggann. Við borðuðum morgunmat úti á svölunum en annars vorum við ekkert mjög mikið þar, það var svo gott að koma inn í loftkælinguna, hahaha.

Seinni vikuna vorum við á Longboat Key, þá vorum við með eina litla laug og svo auðvitað ströndina. Við höfðum áður verið á Siesta Key og þó að Longboat Key hafi verið rosalega fínt þá vorum við hrifnari af Siesta Key. Þar er meira líf, ströndin er stærri og það er lítill bæjarkjarni á Siesta Key sem er gaman að rölta um. Við verðum örugglega á Siesta Key næst en það var gaman að prófa þetta.

Við keyptum þessa kerru í algjörri bugun í einu outletinu í Orlando. Við fengum þá hræðilegu hugmynd að fara saman með Jón Ómar að versla og það gekk auðvitað ekki upp, en við keyptum þessa kerru þarna í outletinu og þó hún hafi eiginlega verið of lítil og algjört drasl þá notuðum við hana alveg frekar mikið restina af ferðinni. Næst fórum við ein að versla í outletinu, sem sagt eitt í einu og annað okkar var með Jón Ómar á meðan.

Anna Maria Island, gaman að skoða sig um þarna en svo sem ekkert stórfenglegt.

Á leið út að borða á Hyde Park í downtown Sarasota, besta steikin sem ég fékk þarna. Það er mjög mikið af eldra fólki á þessu svæði og ég hélt að konan á næsta borði myndi andast ofan í súpuskálina sína, ætli meðalaldurinn hafi ekki verið 70 ár þarna.

Feðgar í fallegum garði í Sarasota, alveg við höfnina.

Tvær yndislegar vikur og við vorum sammála því að þó það sé hálfgerð synd að fara frá Íslandi á þessum tíma þá er það allt annað að vera í  fríi heima hjá sér því þá erum við eiginlega alltaf að stússast og græja eitthvað. Við munum því halda áfram að fara erlendis á þessum tíma á meðan maður hefur eiginlega ekkert annað val út af lokun á leikskóla.

Ég vona að ég nái að færa myndirnar úr myndavélinni minni hingað inn, þá kemur Florida blogg nr. 2.

Heyrumst!

 

 

Sunnudagur

Fyrsti kvöldmaturinn heima í rúmar þrjár vikur
***
Einn af uppáhaldsrétti (allra) í fjölskyldunni er pasta með góðri kjötsósu og parmesan, fljótlegt og gott. Ég smakka mig áfram og krydda vel, mikið af timian og herbs de provence kryddinu frá Pottagöldrum, hvítur pipar og lárviðarlauf. Þessi krydd áttu sviðið í kvöld en rétturinn er aldrei alveg eins, stundum finnst mér líka gott að setja karrý í kjötið og stundum einhvers konar baunir, þá þarf heldur ekki eins mikið kjöt. Jón Ómar elskar svona hakk og ég auðvitað elska að gefa honum að borða þegar hann borðar vel, sem hann gerir oftast.
Á morgun tekur alvaran við eftir yndislegt frí sem við erum svo ánægð með. Jón Ómar hefur þroskast svo mikið í þessu fríi að dagmamman mun örugglega sjá mikinn mun á honum í fyrramálið. Hann er farinn að nánast hlaupa um og tjá sig svo miklu meira. 
Tímamismunurinn er aðeins að fara með fjölskylduna. Við sváfum frá 21.00- 10.30 síðustu nótt og núna klukkan 23 var litli pilturinn loksins að sofna. Hann verður hress í fyrramálið hjá dagmömmunni sinni.
Ég þarf víst að fara að byrja á masters ritgerðinni minni, er það ekki bara piece of cake? ehhh….. 
Heyrumst á morgun! 

Siesta Key

Aðeins kíkt á ströndina í dag
***
Í dag kíktum við aðeins á ströndina sem er í 5 mínútna göngufæri frá húsinu sem við leigjum. Á þessari strönd (sem var kosin sú flottasta í Bandaríkjunum) er sandurinn eins og flórsykur og það er ekki troðið af fólki, yndislegt. Við búum líka rétt hjá Siesta Key Village, þar sem hægt er að fá franskan morgunmat, mexikanskan mat, dásamlegan ís sem Amish fólk býr til, vínsmökkun, dásamlega nýkreista safa etc. Svo er þar einnig að finna hárgreiðslustofu sem ég horfi oft á þegar mig langar að losa mig við þessa heysátu á höfðinu. Við höfum það yndislegt hérna og þó svo ég elski íslensk jól þá sakna ég þeirra ekki neitt, svo þakklát fyrir það að geta eytt þessum tíma hérna með fjölskyldunni minni. Á morgun förum við hjónin til Miami að horfa á körfuboltaleik og halda upp á afmælið mitt, amma og afi passa litla snúð á meðan. 
Heyrumst seinna.

Bláar myndir

 Unnur Tara systir á Rauðasandi
 Við fundum fullt af selum og ég bara starði á þessa ótrúlega fallegu náttúru sem umkringdi okkur
 Horft út Patreksfjörðinn
 Feðgar á toppnum
 mamman var þarna líka 
 Horft inn í Patreksfjörð og þarna sést í sandoddann líka 
 
 Jón Ómar sáttur á toppnum og ákvað að sýna okkur hvað hann væri stór fyrst að ég var að taka mynd af honum. 
Systurnar með pabba uppi á Geirseyrarmúla
Jæja þá er verslunarmannahelgin að syngja sitt síðasta og framundan er annasamt haust og algjörlega nýjar rútínur. Í haust ætla ég að halda áfram að vera dugleg í ræktinni, elda hollan og góðan mat, læra læra læra og vera góð mamma og eiginkona. Ég er mjög spennt fyrir haustinu, svo fallegur árstími og fullt af skemmtilegum hlutum framundan =) 
Jæja þá ætla ég að halda áfram að berjast við þvottahauginn og önnur uppsöfnuð húsverk, gaman! 😉

Hið vikulega blogg – Akureyri

Nokkrar myndir frá Akureyri og Vaglaskógi
*** 
Í sumar höfum við verið nokkuð dugleg við að ferðast um landið, þó að manni hafi nú stundum langað til að panta ferð út í sólina, þá höfum við frekar reynt að elta góða veðrið hér heima og það hefur nú bara tekist ágætlega. Sól og strönd verður að bíða desembermánaðar og ég er alveg sátt við það. Við keyrðum suðurleiðina austur og skoðuðum austfirðina, svo keyrðum við norður og áttum nokkra góða daga á Akureyri. Á morgun liggur leiðin í Hrútafjörð í afmæli og svo á fimmtudaginn ætlum við að keyra vestur og eyða verslunarmannahelginni þar, við erum svona næstum því búin að fara hringinn. 
Þó ég sé búin að eiga gott sumarfrí þá hlakka ég til að fá haustið, klára síðustu námskeiðin í lögfræðinni og sjá loksins fyrir endann á háskólanáminu sem hófst árið 2005 hjá mér. Svo er haustið líka fallegasti árstíminn og táknar oft upphafið að einhverju nýju – miklu frekar en janúar finnst mér. 
Vonandi fara bloggin að verða reglulegri, ég hef algjörlega vanrækt þetta sökum ferðalaga og áhugaleysis en vonandi fara að birtast hér fullt af bloggum um líkamsrækt, hollt og hreint mataræði, uppskriftir, kannski smá tísku og auðvitað le bébé. 
Ég er svo með eina spurningu í lokin, mig hefur stundum langað að skrá  niður árangur og líkamsræktar rútínuna hér á bloggið, aðallega til að halda mér við efnið og svo kannski til að veita öðrum innblástur – er það eitthvað sem áhugi væri fyrir? Ég myndi þá kannski setja kílóatölu/fituprósentu og svo æfingarprógrammið + mataræði?
Jæja, heyrumst betur seinna.