Statusinn á mömmunni

Vissi ekki að það væri hægt að sofa svona lítið og komast í gegnum daginn. Ég hef alltaf verið með bauga undir augunum, núna eru þeir orðnir eitthvað annað og meira. Neglurnar sem voru eitt sinn fínar og vel naglalakkaðar eru eins og á karlmanni. Hárið á mér er búið að vera í sömu teygjunni í tvo daga, jú sem þýðir það að ég hef ekki farið í sturtu síðan í fyrradag. Þegar ég hugsa sturta vs. svefn þá er ég sofnuð áður en ég einu sinni hugleiði það að fara í sturtu. OG ástæðan fyrir því að ég er að blogga núna í staðinn fyrir að fara í sturtu t.d. er sú að ég er ein heima með lilla og þori ekki að fara í sturtu, ég er fröken Paranoja, en svona er ég.

Uppáhalds tími dagsins er þegar ég fæ kaffibollann minn og lillinn sefur vært. Lillinn sefur nefninlega ekki svo vært um hánótt, hann kýs að vaka til ca. 3 eða 4, það er hans prime-time, augun galopin og allir eiga að vera í brjáluðu stuði. Hann drekkur og drekkur á þeim tíma, fram að þeim tímapunkti að tepokar hafa komið í staðinn fyrir það sem einu sinni voru brjóst. En það er gott að hann drekki vel, hann vex og dafnar mjög vel litli maðurinn okkar og hann er svo fallegur og yndislegur að það er ekki hægt að pirrast mikið yfir því að fá ekki svefn, en ég skil vel að svefnleysi sé eitt helsta pyntingartólið.

Flutti ræðu í skólanum á þriðjudag og svo var málflutningur á fimmtudaginn, leyfið mér bara enn og aftur að fullyrða það að ég mæli innilega ekki með því að vera í fullu námi og nýbökuð móðir. En ég er komin þetta langt núna þannig að ég get ekki hætt við að klára þetta, ein ritgerð, eitt málflutningsverkefni, eitt stutt lokapróf og eitt munnlegt próf og ÞÁ er þetta búið. Ég viðurkenni það samt alveg að ég fæ reglulega panik köst þar sem mig langar að grenja og gefast upp en svo tek ég sjálfa mig saman í andlitinu og held áfram. Ég á sem betur fer svo góða vini í skólanum sem senda mér glósur úr þeim tímum sem ég kemst ekki í, gæti þetta eflaust ekki án þeirra.

Í gærkvöldi fékk ég mér mitt fyrsta vínglas síðan í desember í fyrra. Það var mjög gott þetta hálfa glas, en mér fannst það mjög skrítið að geta fengið mér það, eins og ég væri eitthvað að svindla. Jú og svo eitt svona yfirborðskennt í lokin, gallabuxurnar sem voru of þröngar í síðustu viku komust auðveldlega upp núna, yes!

Við biðjum að heilsa ykkur í bili!
Advertisements

9 thoughts on “Statusinn á mömmunni

  1. lara herborg says:

    Aej thu ert yndisleg! Gangi ter vel med allt saman. thu ert algjor hetja! 🙂 kv Lara H

  2. Anonymous says:

    úff ég fékk smá panic kast bara að lesa þennan póst… þvílíkur dugnaður að vera að bögglast í skóla meðfram því að vera nýbökuð móðir, því nóg tekur það nú á! Þú verður fegin þegar þessu er lokið, þangað til – stay strong og þiggðu alla þá hjálp sem býðst 😉 Mamman verður víst að halda geðheilsunni….

  3. Kristjana says:

    Hahaha, ég varð bara að kvitta! …þú ert bæði svo ótrúlega fyndinn penni og í kaupbæti ótrúlega mannleg og sönn 🙂 Þú fær svo sannalega klapp á bakið frá einni út í bæ fyrir að vera mega dugleg í mömmu hlutverkinu og í skólanum og öllu hinu 🙂

  4. Arndís says:

    Haha kannast við sturtu paranjouna.. Varð þó eftir eitt stykku ælugusu yfir mig alla að fara í sturtu, smellti litlu í ömmustólinn beint fyrir sturtuna og ekkert mál 😉

  5. Anonymous says:

    Innilega til hamingju með drenginn ykkar, ótrúlega gaman að lesa bloggið þitt (þekki þig ekki neitt). Ég á eina tæplega 3 mánaða og hún unir sér voða vel í ömmustól á meðan ég fer í sturtu 🙂 Gangi þér vel með litla snúðinn, hann er ekkert smá sætur.
    Takk fyrir bloggið…. ég er sérstakur aðdáandi uppskriftanna þinna! 🙂

    S

Viltu segja eitthvað?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s